SMS TEMANGSANG

                                                Karya: Turiyo Ragilputra

Saupama isih kumleyang ing gegana

Apadene temangsang sumlesep ing antarane mega-mega

Bisa dakwaca kanthi trewaca, kangmas

Surasaning SMS rinacik ukara tresna

Lumantar sunaring bagaskara

Pangarasmu ing pipi tengen lan kiwa

Uga isih krasa, saperangan isih daksimpen

Ing ngisor peron, dimen dadi prasasti lelakon

Sawanci-wanci bakal dakpepetri kanggo mapag tekamu

Sasuwene mecaki dalan kang kebak pitakon

Aku tansah setya tuhu

Ngenteni nadyan kudu nemahi  layon

                                                                           Kapetik: Derap Guru PGRI No. 154 / Nopember 2012