Kupu Kang kekitrang

Karya: Turiyo Ragilputra

Kupu-kupu kang kekitrang ing kalbu

Babar pisan aku ora suwala

Menawa madu ing raga

Iki bakal asat koksesep

Aku tansah setya

Nadyan kang cetha

Sliramu uler gatel

Nggawa memala

Aku jejere kembang

Datan bisa sambaing

Ngaruhake kabar katresnan

Sedheng ketiga

Durung cetha anggone purna

Kupu-kupu kang kekitrang

Ana ngendi dununge kasetyan

Aku kang kebacut krungu

Tembang katresnan

Apa bener among lelamisan?

Aku kang kebacut weruh

Endah rupa elarmu

Apa bener among kanggo

Mencoki sakabehing kembang?

                                                                            Kapetik: panjebar semangat No. 49/ 4 Desember 2010